سائیکل

عثمان کا گھر ساحل سمندر کے قریب ہے۔ عثمان اور ان کے دادا اکثر ساحلِ سمندر جاتے ہیں۔ وہ اپنی کار پر جانے کے بجائے سائیکل چلاتے ہوئے جاتے ہیں۔ دادا جان ایک نوجوان کی طرح دیر تک سائیکل چلا سکتے ہیں لیکن وہ بہت آہستہ سائیکل چلاتے ہیں۔ عثمان کبھی کبھار بہت تیز سائیکل چلاتے ہیں جس پر دادا جان انہیں ٹوکتے ہیں۔ تیز رفتاری سے حادثے کا خطرہ ہوتا ہے۔ وہ دونوں تقریباً ایک گھنٹے تک سائیکل چلانے کے بعد  گھر واپس آجاتے ہیں۔ گھر پر امی کوئی پھل یا پھل کا رس انہیں دیتی ہیں تاکہ ورزش کے بعد ان میں دوبارہ توانائی آجائے۔ ورزش کرنا اچھا عمل ہے اور سائیکل چلانا بہترین ورزش ہے۔

سننے کی مشق کے بعد بات چیت

کیا آپ اپنے دادا یا دادی کے ساتھ وقت گزارتے ہیں؟

آپ کو ان کی کون سی عادت یا بات پسند ہے؟